"Металлург" шу ҳафтадан йиғинни бошлайди
20 дек 2022 10:27
Янгиликлар

"Металлург" шу ҳафтадан йиғинни бошлайди

Декабрь ойининг сўнгги ҳафтасида Бекободнинг "Металлург" жамоаси кейинги мавсум учун илк тайёргарлик йиғинига киришади.

Ўтган йилги таркиб ўзагини сақлаб қолган жамоа машғулотларини маҳаллий мураббийлар олиб боришади. Жамоа бош мураббийи испаниялик Луисма Эрнандес эса Янги йил байрамидан сўнг Бекободга етиб келиши ва йиғинга бошчилик қилиши кутилмоқда.

Айни пайтга келиб клубни тарк этган футболчилар ҳам бор. Жумладан, "Металлург" ҳимоячи Аббос Отахонов, ҳужумчилар Жасур Холтўраев ҳамда Бобурбек Фарҳодов билан хайрлашди.

Янги мавсум арафасида жамоа таркибида бир қатор янги футболчилар пайдо бўлиши кутилмоқда. Ҳозирча музокаралар давом этмоқда. “Металлург” сафига келиб қўшиладиган ўйинчилар ҳақида йиғин бошлангандан кейин қўшимча маълумот берамиз.

Ҳавола :

Манба : "Металлург" клуби матбуот хизмати

Янгиликларни Телеграмда ўқинг!

Рейтинг: +3