Куннинг иккинчи ярмида асосий таркиб ўйинчилари Чирчиқ шаҳридаги “Кимёгар” стадионида жамланишади ва режага мувофиқ машғулотларни бошлашади. Ёшлар таркибининг маҳаллий ўйинчилари Бекободда ҳозирлик кўришса, четдан келган ёшлар асосий таркиб аъзоларига қўшилишади.
Эслатиб ўтамиз, “Металлург” футболчилари 29-турни сафарда, мусобақа жадвалида ёнма ён поғонада бораётган Навоийнинг “Қизилқум” жамоасига қарши ўтказади. Сўнгги турда эса ҳамшаҳарларимиз Бекободда Фарғонанинг “Нефтчи” жамоасига қарши майдонга чиқишади. Охирги икки тур ўйинлари бир вақтда, соат 14:00 да бошланишидан хабарингиз бор.
