"Металлург" 2 нафар футболчиси билан хайрлашганини эълон қилди

Кеча жамоа 2 нафар ўйинчи билан шартномани бекор қилди. Булар – марказий ҳимоячи Аббос Отахонов ҳамда ярим ҳимоячи Сардор Абдураимов.

28 ёшли Аббос Отахонов фаолиятини Таиландда давом эттириши боис клуб билан хайрлашди. У "Металлург" таркибида 2018-2020, 2022 ҳамда 2024 йиллар давомида 95 та ўйинда майдонга чиққан. 3 та гол урган ва 19 марта огоҳлантирилган. Ўзбекистон Кубоги баҳсларида 10 та ўйинда қатнашиб, 2 та гол урди ва 3 марта сариқ карточка билан жазоланди.

Сардор Абдураимов эса 2023 йилнинг иккинчи ярмидан "Металлург" шарафини ҳимоя этиб келди. Бекободликлар сафидаги бир йиллик фаолияти давомида Абдураимов 26 та учрашувда майдонга тушиб, 1 та гол урди ва 2 марта сариқ карточка билан жазоланди. Ўзбекистон Кубоги баҳсларида эса 4 та ўйинда тўп тепиб, 2 та тўп киритди.