Футболчи тахминан 3 ҳафтадан сўнг сафга қайтиши маълум қилинди.
Хўш, Месси қайси ўйинларда майдонга туша олмайди? Агар ҳужумчи 3 ҳафта даволанса тахминан 13-14 октябрь кунлари майдонга тушиши мумкин.
"Барселона" ушбу давр ичида учта ўйинда иштирок этади. Испания чемпионати доирасида Хихонда "Спортинг" ва Вигода "Сельта" меҳмони бўлади. Бундан ташқари ЕЧЛ 2-тури доирасида каталонияликлар Германияда "Боруссия М" билан куч синашади.
Аргентина терма жамоаси эса ЖЧ-2018 саралашида 7 октябрь куни Перу, 12 октябрь куни Парагвай билан ўйнайди.
Месси катта эҳтимол билан мана шу 5та ўйинда майдонга туша олмайди. 15 октябрь кунги "Барселона" - "Депортиво" баҳсида Лео яна сафга қайтиши мумкин.
Тақвим
24 сентябрь "Спортинг Хихон" - "Барселона"
28 сентябрь "Боруссия М" - "Барселона"
2 октябрь "Сельта" - "Барселона"
7 октябрь Перу - Аргентина
12 октябрь Аргентина - Парагвай
15 октябрь "Барселона" - "Депортиво"
