Месси ЖЧдаги ғалабани кимга бағишлади?

Аргентина терма жамоаси ҳужумчиси Лионель Месси жамоасининг Қатарда бўлиб ўтган ЖЧ-2022даги ғалабасини барча аргентиналик мухлислар, шунингдек, Диего Марадонага бағишлаганини айтди.

"Кубок аввалги Жаҳон чемпионатларида уни қўлга киритмаган ҳар бир кишига тегишли. Бу бизни осмондан қўллаб-қувватлаган Диего Марадона ва терма жамоани қўллаб-қувватлаган, натижага эмас, балки ҳаммаси режадагидек кечмаганда ҳам, хоҳишимизни ҳурмат қилиб, доимо биздан эътиборини аямаган барчага тегишли", – деди Месси.

Аргентина терма жамоаси ЖЧ-2022 финалида Франция термасини мағлуб этди (3:3, пенальтилар бўйича – 4:2). Месси мундиалнинг энг яхши футболчиси деб топилди.

Аввалроқ Месси ПСЖга қачон қайтиши маълум бўлган эди.

⭐️ Аргентина ТЖ аъзолари жой олган кортежни кузатиш учун Буэнос-Айресда 4 млн.га яқин мухлис йиғилди. Тиқилинч юзага келгани туфайли футболчиларни олиб кетиш учун вертолёт чақирилди