Месси: "Аргентина финалда ўйнашга лойиқ эди"
07 июл 2019 20:47
Янгиликлар

Месси: "Аргентина финалда ўйнашга лойиқ эди"

Аргентина терма жамоаси сардори Лионель Месси ўз жамоасининг Копа Америкадаги иштироки якунланганидан сўнг, "Инстаграм"га жамоадошлари билан тушган суратни жойлади.

32 ёшли футболчи сурат остида қуйидаги гапларни ёзиб қолдирди: "Биз бу турнирни ғалаба билан тарк этяпмиз, аммо бу сафар мусобақа адолатсиз ўтди. Бразилиядан кучлироқ ҳаракат қилдик ва финалда ўйнашга лойиқ эдик. Бироқ келажакка оптимизм билан қарашимиз керак, чунки бу терма жамоанинг келажаги бор. Шунчаки унга вақт бериш лозим. Олға, Аргентина".