Мендес: "Неймардан кечирим сўрайман"

Ўйинга ҳакам томонидан қўшиб берилган дақиқаларда парижликлар етакчиси Неймар жиддий жароҳатга йўлиқди. Унга нисбатан қўпол ўйнаган "Лион" ярим ҳимоячиси Тьяго Мендес 28 ёшли форварддан узр сўради.

"Неймардан узр сўрамоқчиман. Умид қиламанки, унинг аҳволи яхши. Мен унга зарар етказишни ўйламаган эдим. Барчамиз Неймарни дунёнинг энг яхши футболчиларидан бири сифатида биламиз. Мен ҳам барча бразилияликлар сингари унинг ўйинига қойил қоламан. Неймар имкон қадар тезроқ тузалиб, мухлисларни хурсанд қилишда давом этсин. Яна бир бор чин дилдан узр сўрайман", - деди Мендес.

Эслатиб ўтамиз, Неймар ўша эпизоддан кейин майдонни замбилда тарк этди.