Маестро футбол сендан қарздор, камида битта “Олтин тўп”га ҳақли эдинг

2005 йилда «Барселона» ёшлар жамоасида фаолиятини бошлаган Серхио Бускетс Каталон грандидаги 18 йиллик фаолиятидан сўнг клубдан кетишини маълум қилди. Серхио 18 йиллик фаолияти давомида клуб равнақи учун Мессидан кам ҳаракат қилгани йўқ. «Барселона» жаҳон футболи чўққисига чиққан даврларда айнан Серхио шерикларининг ҳужумда бемалол тики-така ўйнашига шароит яратиб берди. Хави, Иниеста ва Мессилар билишардики тўп олдирилса таянч зонасида Бускетсдек футболчи бор. Серхио жаҳон футболида «Барселона» билан клуб миқёсидаги, «қизил фурия» билан эса терма даражасидаги барча катта мусобақаларда ғолиб чиқди. 

Футболчи бисотида ЖЧ ва Европа чемпионати олтин медаллари, ЧЛнинг 3 та кубоги ва ЛаЛиганинг 8 та, Испания кубогининг 7 та олтин медаллари жам бўлган. Серхио футболда таянч зонасида ўйнаб туриб жамоасининг ҳужумларини ҳам қойилмақом тарзда бошлаб бера олган кам сонли таянч ярим ҳимоячилардан бири. Маестро футбол сендан қарздор, камида битта “Олтин тўп”га ҳақли эдинг...

Жалолиддин.