МДҲ кубогида акробатик тарзда гол урган Баҳодир Насимов “Рубин”га қандай қилиб бориб қолганди?

Ўтказилган тўртта учрашувда бешта гол уриб, голеадорлик ҳислатини намойиш қилгани ёдингизда бўлса керак. Айниқса, гуруҳ босқичидаги биринчи учрашувда Молдованинг “Дачия” дарвозасига акробатик тарзда киритган тўпи скаутларни эътиборини ўзига жалб қилганди. Ўша мусобақани Насимовнинг ўзи шундай ёдга олади:

“Ўша пайтда Самарқанднинг “Динамо” жамоасида ўйнардим. Мени “Бунёдкор”га Эркин Байдуллаев ва Азамат Абдураимов тавсия қилган экан. "Сени пойтахтга таклиф қилишмоқда, борасанми?"-, деб сўрашди. Буни рад қилмадим ва рози бўлдим. Тошкентда бир нечта ўртоқлик учрашувларида қатнашганимдан сўнг мураббий Ҳикмат Эргашевга маъқул келдим ва мени МДҲ кубогига олиб кетдилар. “Қалдирғочлар” сафига ижара асосида қўшилгандим.

Турнирдаги ўйинларимни “Рубин” жамоаси вакиллари кўрган экан. Бундан ташқари яна 4-5та Россия клубларидан чорлов олгандим. “Бунёдкор”ни ўзи ҳам олиб қолмоқчи бўлганди. Тошкентга келганимдан кейин Азамат Абдураимов билан кўришдим. Қозон клуби бош директори, ҳозир "Бухоро" бош мураббийи бўлиб ишлаётган Муҳсин Муҳаммадиев менга қизиқиш билдираётганлигини айтдилар. Улар “Динамо”дан менинг трансферимни сотиб олишди”,- дейди ҳозирда Жиззахнинг “Суғдиёна” жамоаси шарафини ҳимоя қилаётган ҳужумчи.

Қуйида Баҳодир Насимовнинг ўша машҳур голини томоша қилишингиз мумкин.