Мбаппенинг интервьюси ПСЖ футболчиларига ёқмади

Олдинроқ, франциялик футболчи интервьюда ПСЖнинг Чемпионлар лигасидаги муваффақиятсизлигига клуб раҳбарияти айбдорлигини айтган эди. Шу билан бирга Килиан ПСЖда тўп тепаётгани туфайли унинг ўйинига паст баҳо берилаётганини маълум қилди.

Маълумотларга кўра, ПСЖ футболчиларининг бир қисмига бу интервью ёқмаган. Олти футболчи бу ҳақда клуб президенти Носир Ал Ҳелайфига маълум қилган. Футболчилардан бири ушбу интервьюни "клубнинг ҳақоратланиши" деб атаган.

Ал Ҳелайфининг ўзи бундан шокда ва Мбаппенинг қилган иши ҳамкасблари, мураббийлар ва мухлисларга бўлган ҳурматсизлик деб ҳисоблайди.