Мбаппе ва Ҳакимига дам берилади
02 янв 2023 20:27
Янгиликлар

Мбаппе ва Ҳакимига дам берилади

Килиан Мбаппе ва Ашраф Ҳакими бир неча кун дам олишади.

Аввалроқ футболчилар ПСЖ билан тезроқ машғулотларга киришиш учун ЖЧ-2022дан кейин ҳордиқ кунларидан бош тортганди. Улар Лига 1 доирасида "Страсбург" (1:0) ва "Ланс" (1:3)га қарши ўйинларда иштирок этишди.

"Ҳакими ва Мбаппе бир неча кун дам олади. Режа бўйича улар ушбу икки учрашувда майдонга тушишлари керак эди. Эндиликда улар тикланиш жараёнини олиб боради", - деди ПСЖ бош мураббийи Кристоф Гальтье.

Футболчилар 6 январь куни Франция кубоги 1/16 доирасидаги "Шатору"га қарши ўйинни ўтказиб юбориши кутилмоқда. Ҳакими 11 январь куни 18-тур доирасида "Анже"га қарши ҳам ўйнамайди: марокашлик ҳимоячи сариқ карточкалари кўплиги учун дисквалификация қилинган. Мбаппе ҳам "Анже" билан ўйинни ўтказиб юбориши мумкин.

Ҳавола :

Манба : Goal.com

Янгиликларни Телеграмда ўқинг!

Рейтинг: +1