PSJ hujumchisi kiritgan yagona gol o'yin taqdirini hal qilgan bellashuvdan keyin futbolchi uchrashuvda olgan jarohati haqida gapirib berdi.
“Jarohatim u darajada xavotirli emas. Shu sabab tez orada barchasi joyiga tushib, safga qaytaman. Xorvatiyaga qarshi bahsga biz jiddiy hozirlik ko'rib, o'zimizning eng yaxshi o'yinimini ko'rsata olishimiz kerak. Ishlashda davom etamiz, Maydonga tushish yoki tushmasligimni murabbiy hal qiladi.
Shvetsiyaga qarshi bahs oson kechgani yo'q. Biz jiddiy kurash olib bordik. Bir qator epizodlardan kelib chiqib, to'g'ri xulosa chiqarishimiz kerak. Yangi sxemada yanada yaxshiroq o'ynashimiz kerakligi ko'rinib turdi. Albatta hozir eng muhimi g'alaba. Guruh bahslarini yaxshi boshlab oldik”, deya Mbappening so'zlaridan iqtibos keltirmoqda Goal.
