Мбаппе Испания ғазнасига 14,5 млн евро туширади
16 июн 17:04
Янгиликлар

Мбаппе Испания ғазнасига 14,5 млн евро туширади

Франциялик ҳужумчи Килиан Мбаппе Испаниядаги илк мавсумини якунлади.

У спорт борасида ҳам, молиявий жиҳатдан ҳам яхши натижаларга эришди. Маълум бўлишича, у Испания ғазнасига тахминан 14,5 млн евро солиқ тўлаши керак бўлади, бу унинг "Реал"даги йиллик маошининг 45 фоизини ташкил қилади. "TaxDown" маълумотларига кўра, Килиан клубдан ҳар йили 32 миллион евро олади.

Бироқ у Испаниянинг фискал сиёсати билан боғлиқ муҳим солиқ имтиёзларидан фойдаланиши мумкин. Мамлакат ҳукумати ўз иқтисодиётига сармоя киритилишини маъқуллайди ва агар бирор киши буни қилса, ва Испанияда 5 йилдан ортиқ яшаса, катта солиқ имтиёзларига эга бўлади.

Демак, Мбаппе Испанияда қолиб, бир неча йил давомида унинг иқтисодиётига сармоя киритса, солиқларининг катта қисмини қайтариб олади.

Ҳавола :

Манба : TaxDown

Янгиликларни Телеграмда ўқинг!

Рейтинг: +4