Эроннинг "Истиқлол" клуби ҳужумкор ярим ҳимоячиси Жалолиддин Машарипов Иорданиянинг "Ал Ҳуссайн" жамоасига қарши ўртоқлик учрашувининг 65-дақиқасида кичик жароҳат олиб, майдонни тарк этган.
Хабарларга кўра, 31 ёшли футболчининг жароҳати жиддий эмас ва у бугунги машғулотларда енгил тартибда иштирок этган.
Дастлабки тиббий кўриклар жароҳат жиддий эмаслигини ва футболчи тез орада гуруҳ машғулотларига қайтиши мумкинлигини кўрсатмоқда.
"Истиқлол" шифокорлари Машариповнинг тикланиш жараёнини кузатиб боради, зарурати туғилса, қисқа муддатли физиотерапия дастурини ишлаб чиқади.
