"Машъал" Янгиерда шуғулланмоқда, таркибда янгилар бор

Бош мураббий Александр Хомяков футболчиларни Янгиердаги базага йиғди. Машғулотлар кунига икки маҳалдан ўтказилмоқда.

Таркибда ўзгаришлар учраб турибди. Хусусан Ойбек Полвоновга жавоб берилди. Янги келиб қўшилганлар ҳам бор албатта. "Қизилқум"дан дарвозабон Равшан Меҳмонов келган. Охирги йилларда "Пахтакор-2" таркибида ўйнаб келаётган Бекзод Мирҳайдаров ҳам "газчилар" йиғинида иштирок эта бошлади.

Шунингдек, ўтган мавсум "Навбаҳор"да харакат қилган ва охирги пайтда "Қўқон-1912" йиғинида қатнашган Собир Ҳамидов ҳам бугун муборакликларнинг машғулотларига келиб қўшилган. "Шўртан"дан эса Жамшид Шодиев келганлиги тўғрисида маълумотлар бор.