"Машъал-2002" Бухорода биринчи бўлди

9та жамоа иштирок этган мазкур мусобақада “Машъал” футбол мактабининг тарбияланувчилари биринчи ўринни қўлга киритишди. Қизиғи шундаки, муборакликлар тўртта ўйинда майдонга тушиб, ўз дарвозаларидан бирорта ҳам гол ўтказиб юборишмади.

Жонибек Эгамбердиев ва Икрем Репатов бошқарувидаги жамоа аввалига гуруҳда Учқудуқнинг “Сокол” жамоасини 2:0 ҳисобида мағлуб этди. Кейин эса “Андижон” 1:0 ҳисобида доғда қолдирилди. Ярим финалда “Хоразм” билан кечган баҳс 0:0 ҳисобида якун топди ва пенальтилар сериясида ёш “газчилар” 3-2 ҳисобида зафар қучишди. Ва ниҳоят турнирнинг ҳал қилувучи финал ўйинида “Машъал” “Бухоро”ни 1:0 ҳисобида енгди.

Шуни айтиб ўтишимиз лозим, бу мусобақада ўйинларнинг ҳар бир тайми 20 дақиқадан ўйналди. Жамшид Ботиров раҳбарлик қилаётган Бухоро футбол мактаби бош ташкилотчи бўлди. Турнир якунига етгач, одатдагидек ҳар бир чизиқ бўйича энг кучлилар аниқланди. “Машъал-2002” футболчиси Юлмухамедов Руслан “Мусобақанинг энг яхши футболчиси” деб топилди.

Шундай қилиб ёш футболчилар ўртасида ўтказилган турнирда “Машъал” биринчи ўринни қўлга киритган бўлса, “Бухоро”га иккинчи ўрин насиб этди. Хоразм ва Навоий вилояти жамоалари эса учинчи-тўртинчи ўринларни бўлиб олишди.

Гуруҳ ўйинлари
“Машъал” – “Сокол” – 2:0
Гол: Юлмухамедов Руслан (2та).

“Машъал” – “Андижон” – 1:0
Гол: Субҳонов Шамшод.

Ярим финал
“Машъал” – “Хоразм” – 0:0 (пенальтилар бўйича – 3:2)

Финал
“Машъал” – “Бухоро” – 1:0
Гол: Юлмухамедов Руслан