Олдинроқ, Анри 13 октябрь куни терма жамоани тарк этиши ва 15 октябрда "Монако" устози сифатида таништирилиши эълон қилинган эди.
"Анри кетади? ОАВ бу ҳақида мендан яхши билади. Бу маълумотни тасдиқлай олмайман, аммо Анри бир кун келиб бизни тарк этишини тушуниб турибман. Бу шанбада, бир ҳафтадан кейин ёки ярим йилдан кейин бўлишига тайёр туришимиз керак. Тьерри ўз тажрибасини баҳам кўрди ва кетишга қарор қилса, уни қўллаб-қувватлаймиз.
Анри буюк мураббий бўлиши мумкин. Йўқ, мумкин эмас, аниқ" - дейди Мартинес.
