Маротта италиялик футболчиларни ўз клубларига содиқлигини айтди. Биздачи? Ўзбек футболчилари ҳам ўз жамоасига содиқми?

"Биз асосан италиялик футболчилар атрофида жамоа тузашни режалаштирганмиз. Италиялик футболчилар легионерларга нисбатан ўз клубларига содиқ бўлишади. Масалан Тевес уни ўз уйига қўйиб юборишимизни сўради. Бирор кун Лео Бонуччи олдимга келиб: "мен ўз шаҳримга кетмоқчиман, қўйиб юборинг дейишини" тасаввур ҳам қилолмайман", - деди Беппе Маротта.

Ростан ҳам, италиялик кўп футболчилар ўз клубларига содиқ эканлигини амалда кўп бор кўрганмиз.

Бунга мисоллар етарлича топилади.

Масалан "Рома" сардори Франческо Тотти, Де Росси. "Милан"да ўйнаган Мальдини, "Ювентус" тимсоли Алесандро Дель Пьеро, Жанлуижи Буффон каби италиялик футболчилар мисолида буни биламиз. Ёки "Удинезе" "снайпери" Антонио Ди Наталени олайлик?!

P.S. Қизиқ, ўзбек жамоаларида ҳам ўз клубига содиқ футболчилар бормикан? Яқин ўтмишда ўзбек футболчилари ичида ўз клубига содиқ футболчилар жуда кўп бўлган. Лекин ҳозирчи? Айни пайтда ўз жамоасига содиқ футболчи топилармикан?

Тўғрисини айтиш керак, сўнгги йилларда Олий лиганинг барча жамоаси сафида ўйнаб кўраётган футболчилар сони тобора ошиб кетмоқда. Бизда ўз жамоасига содиқ эмас, балки кўплаб жамоаларнинг собиқ футболчиси номини олаётган "бирровчи" футболчилар тобора кўпайиб кетди.

Азиз ўқувчи, ҳозирги ўсиб келаётган ёш футболчиларимиздан кимлар ўз жамоасига содиқ (ички чемпионат миқиёсида) футболчилар бўлади деб ўйлайсиз? Бу борада сизнинг фикрингиз, тахминларингиз қизиқ. Ўзбек футболида Антонио Ди Натале, Дель Пьеро, Тотти, Де Росси каби ўз клубига содиқ қоладиган футболчилар борми?