Марокаш бош мураббийи: "Бизни мағлуб этиш жуда қийин бўлади"
28 ноя 2022 00:43
Янгиликлар

Марокаш бош мураббийи: "Бизни мағлуб этиш жуда қийин бўлади"

Марокаш терма жамоаси бош мураббийи Валид Реграги жамоасининг кучи ҳақида ўз фикрлари билан ўртоқлашди.

Марокашликлар кутилмаганда Бельгия терма жамоасини мағлуб этишди (2:0) ва жаҳон чемпионатининг плей-офф босқичига чиқиш имкониятларини сезиларли даражада оширди.

"Биз ҳамжиҳатлик билан ҳаракат қилдик. Бизда етарлича сифатга эга таркиб шаклланган. Шу боис, мундиалда жиддий натижага эришишимиз мумкин. Тўғри, бизда мукаммал таркиб бор деб айта олмайман, лекин бизни мағлуб этиш осон бўлмайди, чунки бизда яхши ташкил этилган тизим ишлаяпти”, - деди Реграги иккинчи турдаги ғалабадан кейин ўтказилган матбуот анжуманида.

Гуруҳ босқичининг сўнгги ўйинида марокашликлар Канада терма жамоасига қарши майдонга тушади. Учрашув 1 декабрь куни бўлиб ўтади.

Ҳавола :

Манба : fifa.com

Янгиликларни Телеграмда ўқинг!

Рейтинг: +5