Марказий Осиёдаги энг катта чойхона рўпарасидаги стадион қўшниларимизнинг ўзаро дерби тўқнашувига тайёр!

Айни пайтда Тожикистон пойтахти Душанбе шаҳридаги "Варзишгоҳи Маркази" ўйингоҳи ЖЧ-2022 саралаш босқичи доирасидаги Тожикистон - Қирғизистон учрашувига тайёрланмоқда.

Таджикистан Алишер Джалилов - 41'

Чемпионат Мира. Квалификация. Азия. 2-ой раунд. Группа F . 1-тур 05/09/2019, 20:00 0 : 1 Тугади

Киргизия

Стадион: 17800 томошабин

45'

90'

41'  Алишер Джалилов

87'  Манучехр Джалилов (Шериддин Бобоев)

89'  Muxammadzoni Raximov (Jahongir Ergashev)

90'  Парвизджон Умарбаев (Комрон Турсунов)

25'  Kairat Zhyrgalbek

35'  Азамат Байматов

46'  Akhlidin Israilov (Турсунали Рустамов)

69'  Бахтияр Дуйшобеков (Abai Bokoleev)

71'  Тамирлан Козубаев

75'  Фархад Мусабеков (Алимардон Шукуров)

Матч-центрда очиш

Шаҳар ичида кезаркансиз кўпчилик бугун катта футбол бўлишидан бохабар. Шаҳар у қадар катта эмас, кичкина. Шу боисдан ҳам футбол таровати шаҳар бўйлаб кезиб юрибди, десак муболаға бўлмайди. Йўл-йўлакай такси ҳайдовчилари, сотувчи ва дўстларни кўриб, албатта суҳбат қурасиз. Душанбега илк бор келган меҳмонга бу ерда ўзгача муомула ва илиқ муносабатда бўлишаркан. Таксига ўтиргач ҳайдовчи Ўзбекистондан келганимизни билиб, ўзи ҳам асли ўзбек эканлигини айтиб, лекин ҳали юртимизга ташриф буюрмаганини таъкидлади. Суҳбат эса соф ўзбекча тилда давом эттирилди. Гарчи футболга қизиқсада, лекин бугунги ўйинни телеэкран қаршисида томоша қилмоқчи эканлигини билдирди. Стадионда эса у сиз ҳам томошабинлар етарлича топилишини айтиб, тез орада Ўзбекистонга бориш орзусини амалга оширмоқчи эканлигини билдирди. Шундай қилиб стадионга ҳам келиб қолдик. Буёғига эса суратлар тилга киргани маъқул :-)

Айтишларича, Марказий Осиёдаги энг катта чойхона - "Кохи Наврўз". Шундоқ стадионни рўпасида жойлашган ажойиб чойхона. Ўйиндан кейин айни кирадиган жой экан

Душанбеда бугун энг "қайнайдиган" манзил шу ер бўлишига шубҳа йўқ...

Чипта 10 сомондан сотилмоқда. Бу мухлислар эса "VIP" сектордан 200 сомонга иккита чипта харид қилишди

Чиптахонадан олинган сўнгги маълумотларга кўра, бугунги баҳсга 13 мингта чипта чиқарилган ва ҳозирга қадар уларнинг 10 мингдан ортиғи сотиб бўлинган. Чипталар савдоси қизимоқда...

"Варзишгоҳи Маркази" ўйингоҳи ичида мухлислар учун фойдали маҳсулотлар сотуви йўлга қўйилган

Сотувчининг ишонч билан айтишича, танаффусдан кейин барча маҳсулотлар истеъмолчиларини топаркан...

Номи қизиқ...

Ёш футболчилар эса ўзлари футбол ўйнаш билан банд...

Сунъий қопламали майдон...

Усмон Тошев бошчилигидаги Тожикистон терма жамоаси ўтирадиган захира ўриндиғи

Стадионнинг тепа кўриниши...

Чиптани олиб қайтаётган мухлис...

"Варзишгоҳи Маркази"нинг юқори фонида Тожикистон байроғи...

Ўйин бошланишига ҳали яна 3 соатдан сал камроқ вақт мавжуд. Жамоалар эса ўйинга 90 дақиқа қолганида, яъни 17:30да стадионга етиб келишади. Биз эса стадиондан тайёрлаган илк репортажимизни шу жойда тўхтатиб туриб, кейинги жараёнга тайёргарлик кўрамиз. Ёқимли томоша :-)

Шаҳбоз Беғамов ва Жаҳонгир Файзуллаев, Душанбе шаҳридан махсус