Марчелло Липпи: "Қатар билан ўйиндан сўнг ЖЧга чиқиш имкониятимиз янада пасайди"
16 ноя 2016 08:45
Янгиликлар

Марчелло Липпи: "Қатар билан ўйиндан сўнг ЖЧга чиқиш имкониятимиз янада пасайди"

Хитой - Қатар (0:0) учрашувидан сўнг хитойликлар устози Марчелло Липпи ўз фикрларини билдирди.

"Жамоамиз катта ҳажмдаги ишни амалга оширди. Уларга кийиниш хонасида ҳам шундай дедим. Ўз ўйинларидан қониқиш ҳосил қилишлари керак. Бизга бугун омад етишмади холос.

Россиядаги мундиалга чиқиш имкониятимиз жуда кичик эканлигини билиб турардик. Бугунги ўйиндан кейин имконият янада камайди. Футболчиларим ҳеч бир рақибдан кучсиз эмас. Хитой терма жамоаси Қатардан кўра яхшироқ ўйнай олади.

Жаҳон чемпионатига чиқиш учун назарий имконият қолгунига қадар курашамиз. Биз тўғри йўлдан кетаяпмиз. Умид бор экан курашаверамиз", - дейди Марчелло Липпи ОФК расмий сайтига.

Ҳавола :

Манба : championat.asia

Янгиликларни Телеграмда ўқинг!

Рейтинг: +8