Марат Бикмаев қаерда ўйнаш ёқишини айтди

- БААга қарши ўйинга жуда кам муддат бор. Ҳозирча БАА билан ўйинда қайси тактикада ўйнашимизни билмайман. Ўйлашимча, Бердиев қўл остида биз ҳужумкор услубда ўйнаймиз.
Терма жамоа йиғинига келганидан сўнг барча ўз клуби ҳақида унутади. Чунки ватан жамоаси барчасидан устун. Айни пайтда ҳамма фақат терма жамоа ҳақида ўйламоқда. Йиғинга келганимизда вақтинча клубдаги ишларимизни унутиб турамиз. Биз бўлажак баҳсда тараддуд кўришни эрта тонгдан бошлаб юборганмиз.

Марат Бикмаев бир ўзи БААга гол уриб, уларни мағлуб этиши имконсиз. Агарда жамоадошларим менга кўмаклашишса, албатта БААни жамоавий ўйин билан мағлуб этамиз.

Қайси позицияда ўйнаш кўпроқ маъқул? Вазиятдан келиб чиқиб ҳужумкор вингер ёки марказий ҳужумда ўйнайвераман. Агарда ўзимга танлаш имконияти бўлганидами? Ҳужумчига албатта марказий ҳужумда ўйнаш кўпроқ ёқади. Бу мени энг яхши кўрган позициям.

Шаҳбоз Беғамов суҳбатлашди.