Манжукич "Ювентус" мухлислари томон хайрлашув хати ёзди

"4 ярим йиллик фаолиятдан кейин жамоа мухлислари билан шундоққина хайрлаша олмайман. "Ювентус"нинг ҳар бир матчида мен жамоа учун қанчалик жон куйдирганимни барча кўрганига умид қиламан. Мени жамоага таклиф қилган Массимилиано Аллегрига раҳмат айтаман. "Ювентус" таркибида ўйнаш мен учун фахр бўлди. Жамоадаги сўнгги ўтказган ойларим эса "Ювентус"га бўлган муҳаббатимни сўндирмайди. Шу ерда мен билан бирга ишлаган барча инсонларга катта раҳмат айтаман. Биргаликда қўлга киритган совринларимизни ҳеч қачон ёддан чиқармайман. Мухлисларга эса алоҳида катта раҳмат!", - деб ёзади Манжукич.

33 ёшли Манжукич "Ювентус" таркибида 162 ўйинда 44 гол урди ва 18 голга ассистентлик қилди.