Мане "Бавария"да тиббий кўрикдан ўтиш учун Мюнхенга қўнди
21 июн 2022 16:04
Янгиликлар

Мане "Бавария"да тиббий кўрикдан ўтиш учун Мюнхенга қўнди

"Ливерпуль" ҳужумчиси Садио Мане "Бавария"га ўтишга яқин.

Журналист Фабрицио Романонинг хабарига кўра, сенегаллик "Бавария" машғулот базасида тиббий кўрикдан ўтиш учун Мюнхен аэропортига келиб қўнди.

Маненинг трансфер нархи 45 млн евро атрофида бўлади. Футболчининг ўзи "Бавария" билан 2026 йилга қадар шартнома имзолайди. Эслатиб ўтамиз, Мане 2016 йилдан бери "Ливерпуль"да ўйнаётганди.

Мане немис тилини билади, у ўз вақтида Австриянинг "Зальцбург" жамоасида ўйнаган. Ўйинчини "Бавария" бош мураббийи Юлиан Нагельсманн ўз жамоасида кўришни жуда ҳам хоҳлади.

Ҳавола :

Манба : twitter.com/FabrizioRomano

Янгиликларни Телеграмда ўқинг!

Рейтинг: +8