"Манчестер Юнайтед" ёзда 6 футболчи билан хайрлашиши мумкин

Маълумотларга кўра, "қизил иблислар"да бўлаётган ўзгаришлар туфайли клубни бирданига 6 футболчи тарк этиши мумкин. Сўнгги бор 2015 йил, жамоани Луи ван Гал бошқарганда шунча ўйинчи жамоани тарк этган эди.

Клуб 6 нафар футболчини сотиб, "Манчестер Юнайтед" устози Уле-Гуннар Сульшерга жамоани кучайтириш учун катта бюджет ажратиб бермоқчи.

Айни дамда бу режаларга Андер Эррера, Хуан Мата ва Алексис Санчесларнинг келажаги номаълумлиги ҳалал бермоқда. Икки ярим ҳимоячининг клуб билан шартномаси ёзда якунига етади ва "қизил иблислар" улар билан янги битим борасида келиша олишмаяпти. Санчесга тўхталадиган бўлсак, "Манчестер Юнайтед" уни сотиб юбормоқчи, бироқ футболчининг катта маоши харидорни қўрқитиб юбориши мумкин.