"Манчестер Юнайтед" футболчиси фаолиятини якунламоқда
31 май 2025 13:35
Янгиликлар

"Манчестер Юнайтед" футболчиси фаолиятини якунламоқда

"Манчестер Юнайтед" ҳимоячиси Жонни Эванс футболчилик фаолиятини якунлайди.

Аввалроқ, инглиз клуби 37 ёшли шимолий ирландиялик футболчи шартномаси якунлангани сабабли жамоани тарк этишини маълум қилганди.

Эванс фаолияти давомида МЮ, "Сандерленд", "Антверпен", "Вест Бромвич" ва "Лестер" клубларида ўйнаган. Ҳимоячи манкунианликлар сафида уч карра Англия чемпиони, мамлакат кубоги соҳиби ва уч карра Суперкубок ғолиби, шунингдек, Чемпионлар лигаси ва клублар ўртасидаги жаҳон чемпионати ғолиби бўлди.