Манчестер полицияси Моуриньюга жавоб берди

Моуринью жамоа "Валенсия"га қарши Чемпионлар лигаси учрашуви учун кеч қолганликда шаҳар полициясини айблади. Манкунианлар "Олд Траффорд"га одатдагидан 45 дақиқа кеч етиб келди. Ушбу сабаб туфайли баҳс 00:00да эмас, 00:05да бошланди.

"Барча полиция операциялари вазиятни ҳисобга олиб амалга оширилади. Кузатиб бориш гуруҳларидан эҳтимолий хавф ҳақида маълумот бўлганда фойдаланилади.

Олдинроқ Манчестер полицияси мураббийни кузатиб бориш учун автомобилдан фойдаланган эди, аммо таҳлилдан сўнг ҳар бир учрашувда кузатув шарт эмаслиги ҳақида қарор қабул қилинди.

Бир неча ой мобайнида клублар билан маслаҳатлашдик ва улар стадионга келиш вақтини аниқ режалаштириши керак эди. Ҳар бир ўйин индивидуал кўриб баҳоланади" - дейилади полиция баёнотида.