"Манчестер Сити" АПЛнинг 2023-2024 йилги мавсумидаги барча уй учрашувлари учун чиқарилган мавжуд чипталарни сотиб бўлди.
Клуб ушбу мавсумдан чипта сотиш сиёсатини ўзгартирди. Клуб чипталарнинг катта қисмини бир пайтда сотувга чиқарди. Қолган чипталар эса кейинги ой иккинчи тўлқинда сотилиши режалаштирилганди. Бироқ, ҳозирги вақтга қадар чиқарилган барча чипталар муддатидан олдин сотиб бўлинди. "Катта олтилик" жамоаларига қарши ўйинлар учун чиқарилган чипталар эса биринчи куннинг ўзидаёқ сотилиб кетди.
