Максим Шацких футболчилик фаолиятини якунлади

Бу ҳақда Championat нашри эълон қилди. У энди Киевнинг "Динамо" клубининг 1999 йилда туғилган футболчиларига устозлик қилувчи Виталий Косовскийга ёрдамчилик қилади.

"Ҳозирча бошқармайман, шунчаки Виталий Косовскийга ёрдам бераман. Эндигина бу ишни ўргана бошладим. Анчадан бери мураббийлик ҳақида ўйлаётган эдим. Микрожароҳат олиб, футболчиликдан мураббийликка ўтишга қарор қилдим. Ҳозирча ўқиб, тажриба тўплайман.

Жароҳатимда шунчалик оғирки, уни операциясиз даволаб бўлмайди. Бутун фаолиятим давомида бундай шикастланишлар кўп бўлган. Кичик жароҳатлар бўлди, аммо улар операцияларсиз даволанган. Ҳозир таклифлар бўлмаса операция қилдиришдан нима маъно? Агар кутиш керак бўлса, ёзда Осиё трансфер ойнаси очилади. Осиёга боришим мумкин эди. Аммо аниқ таклиф бўлмади. Агар бирор клуб мен билан шартнома имзоламоқчи бўлса, операция қилдирган бўлардим. Футбол ўйнамасам жароҳатим ҳалақит қилмаяпти. Сўнгги вақтларда манежда ўйнадим, қаердадир қандайдир жароҳатлар орттириб олдим" - дейди Шацких.

Шацких олти карра Украина Чемпиони, икки маротаба УПЛ тўпурари ва бир неча марта Ўзбекистонда йил футболчиси бўлган.