Максим Шацких: "Баъзи футболчиларимиз бетоб, ёшларимиз ЖЧга тайёргарлик кўришмоқда, шу сабаб бугун умуман ўзгариш амалга оширмадим"
06 май 2023 21:56
Янгиликлар
Максим Шацких: "Баъзи футболчиларимиз бетоб, ёшларимиз ЖЧга тайёргарлик кўришмоқда, шу сабаб бугун умуман ўзгариш амалга оширмадим"
Максим Шацких: "Ўзимиз истаган футболни намойиш этишимизга об-ҳаво йўл қўймади. Баҳс мухлислар учун қизиқ бўлди деб ўйлайман. Иккала жамоа гол уришга уринди, буни биз уддаладик ва 3 очкога эга бўлдик. Баъзи футболчиларимиз бетоблиги туфайли учрашувни ўтказиб юборишди. Бугун ротация қила олмасдик. Асосийси ўз мақсадимизга эришдик.
- Нега бирорта ўзгариш амалга оширмадингиз?
- Ҳозир айтганимдек, бир неча футболчимиз бетоб. Ёшларимиз эса ЖЧга тайёргарлик кўришмоқда. Қолган ёшлар эса бу даражадаги ўйинларга тайёр эмас. Бундай "сирпанчиқ" ҳисобда таваккал қилиш хато бўларди.
- Ҳозирги саволим бугунги ўйин ҳақида эмас. 1999 йилда Самарқандда Ўзбекистон терма жамоаси Озарбайжонга қарши ўртоқлик ўйини ўтказган. Ўшанда хет-трик қайд этгансиз. Хет-трикка кимлар ёрдам берган?
- Ҳа, ўйин эсимда, аммо ўша баҳсдаги воқеаларни батафсил эслай олмайман.
- 1996 йилда сиз Россияда ўйнай бошлагансиз, аввалига "Сокол", кейин "Торпедо", "Лада Тольятти", "Газовик". Бу клубларда тажрибали футболчилар сизга қандай муносабатда бўлишган?
- Яхши. Мен ўз мажбуриятларимни билардим. Ўша вақтда нима қилиш керак бўлса, ҳаммасини бажарганман.
- Уйдан узоқда бўлгансиз. Қийинчиликларни қандай енгиб ўтгансиз?
- Бошида қийин бўлган. Уйга кетишни хоҳлардим, аммо меҳнат орқали барча қийинчиликларни енгиб ўтганман.
- Нега ҳозирга келиб футболчилар мураббийни ишдан кетишини хоҳлаб, атайин ёмон ўйин кўрсатяпти, мураббийлар ўйинчилар билан чиқиша олмаяпти. Ўз вақтида Юрий Вазгенович Саркисян ҳамма билан жуда яхши алоқада бўлган.
- Ҳозир бошқа замон.

Ўхшаш янгиликлар
championat.asia
Элит ОЧЛ. "Насаф" сўнгги дақиқаларда тўп ўтказиб, ўз майдонида "Ал Ваҳда"га ютқазди
Cуперлига. "Нефтчи" Фарғонада "Сурхон"ни мағлуб этиб, чемпионлик учун курашни давом эттирадиган бўлди
Элит ОЧЛ. Рўзиқул Бердиев: "Кучимиз борича рақибга қаршилик кўрсатдик"
Суперлига. Шиддатли кечган Пойтахт дербисида "Пахтакор" "Бунёдкор"ни мағлуб этди
Фикрлар