Магуайр: "Фернандеш МЮга бир неча йил етишмаган жиҳатларни тўлдирди"

"У жамоага келганидан буён нафақат машғулотларда, балки, ўйинларда ҳам ажойиб. У етакчи ва доимо ғалаба қозонишни истайди. Бруну ўзи ўйнаётган барча турнирларда совринлар қўлга киритишни хоҳламоқда. Уни шундай тарбиялашган.

Бруну жамоага узоқ йиллардан буён етишмаётган креативликни олиб кирди. Бу эса "Юнайтед" мухлисларига ҳам ёқмоқда.

Бу бошланиши. У ўз ўйинидаги кўплаб аспектларда ўсишни истамоқда. У бундан-да яхши ўйин кўрсата олади. Бу эса клуб учун ҳам фойдали.

Айни дамда марказда рақобат жуда кучли. Майдондаги жойни сақлаб қолиш учун максимум кучни сарфлаш керак", - деди Магуайр.