Лутфулла Тўраев "Бунёдкор"га қайтди
20 авг 2025 14:16
Янгиликлар

Лутфулла Тўраев "Бунёдкор"га қайтди

Ўз вақтида "Машъал", "Насаф", "Бунёдкор", ОКМК, "Нефтчи", "Локомотив" жамоаларида тўп тепган Лутфулла Тўраев ўтган йилдан бошлаб мураббийликка қадам қўйганди.

Дастлаб "Нефтчи"да Виталий Левченкога кўмаклашган Тўраев бу йил ТФА ва "Олимпик" U-19 жамоаларида фаолият олиб бораётган эди. Эндиликда у "Бунёдкор" клубининг Биринчи лигадаги "Бунёдкор-Фарм" жамоасида бош мураббийи сифатида фаолиятини бошлади. Унга мураббийлар штабида Шуҳрат Йўлдошев, Миркамол Қосимов, Марат Галимов, Хуршид Ҳасанов, Азизбек Таслимов (маъмур), Ислом Мамажонов (шифокор) кўмаклашмоқда.

Маълумот учун, Лутфулла Тўраев 2012-2013, 2019-2021 йилларда "қалдирғочлар" либосида ҳаракат қилган. Ўзбекистон терма жамоасида 15 та баҳсда майдонга тушган.

Ҳавола :

Манба : Championat.asia

Янгиликларни Телеграмда ўқинг!

Рейтинг: +1