Лука Згурский: "Бугун мухлислар ажойиб муҳит яратиб беришди"
10 мар 19:01
Янгиликлар

Лука Згурский: "Бугун мухлислар ажойиб муҳит яратиб беришди"

Суперлиганинг 2-туридан ўрин олган "Андижон" - "Бунёдкор" (5:1) учрашувидан сўнг мезбонлар футболчиси Лука Згурский журналистлар саволларига жавоб қайтарди.

- Лука, "Андижон" сафидаги биринчи ғалаба ва илк голингиз билан табриклаймиз. Ўйин ҳақидаги фикрингиз қандай?

- Яхши учрашув ўтказдик. Жамоамиз мухлислари жуда ажойиб муҳит яратиб беришди. Трибуналардаги муҳит жуда ажойиб эди, бунинг учун мухлисларга раҳмат айтаман.

- Жамоа бугунгача "Бунёдкор"ни мағлуб этмаганидан хабарингиз бормиди?

- Ҳа, албатта бу ҳақида билардик. Бугун мана шу нохуш анъанани буза олдик, бундан хурсандман.

- Келгусидаги режаларингиз қандай?

- Ҳозир "Андижон" футболчисиман, жамоа ғалабалари учун ўз ҳиссамни қўшмоқчиман. Жамоага яхши мослашиб кетдим, бу ердаги муҳит аъло даражада.

Нодирбек Абдуллаев ёзиб олди