Луис Энрике: “Испания терма жамоасининг асосини “Реал” ўйинчилари ташкил этмоқда, бу эса менга ёқяпти”
12 сен 2018 08:30
Янгиликлар

Луис Энрике: “Испания терма жамоасининг асосини “Реал” ўйинчилари ташкил этмоқда, бу эса менга ёқяпти”

Испанлар бош мураббийи Хорватия устидан қозонилган ғалабадан сўнг фикрлари билан бўлишди.

“Терма жамоани клублар билан тенглаштиришнинг фойдаси йўқ. Бизда ўзимизнинг ғояларимиз бор, улар бугун ажойиб ишлади. Биз бугун етарлича самарали ҳаракат қилдик ва ўта чиройли голлар урдик. Олдингидек яна яхши жамоа бўлишни хоҳлаймиз. Мазкур 10 кун ичида менга ўйинчиларнинг ишга ёндашуви маъқул келди. Аммо ҳали кўп нарса устида ишлашимиз керак. Ҳаммаси бир кунда ўзгариб кетиши мумкин. Ўйинда мувозанатни ҳосил қилмоқчиман. Таркибда «Реал»нинг олти нафар вакили бор эканлигини билмагандим, бу мени хавотирга солмаяпти. Ҳамма ўйинчилар Испания терма жамоаси учун ўйнаяпти, бори шу. Улар бу ерда терма учун майдонга тушади, клуб учун эмас. Аммо жамоа асосини «Реал» ўйинчилари ташкил этмоқда, бу асос эса менга ёқяпти”,—дейди Энрике.

Ҳавола :

Манба : UEFA

Янгиликларни Телеграмда ўқинг!

Рейтинг: +13