"Локомотив"дан мағлуб бўлган "Бухоро" бош мураббийи матбуот анжуманида қатнашмади
03 окт 2018 11:27
Янгиликлар

"Локомотив"дан мағлуб бўлган "Бухоро" бош мураббийи матбуот анжуманида қатнашмади

Суперлига 25-тури доирасидаги "Бухоро" – "Локомотив" учрашувидан сўнг мезбонлар жамоаси катта мураббийи Шуҳрат Файзиев қуйидагича фикр билдириб ўтди. Бу ҳақда ПФЛ матбуот хизмати хабар берди.

- Бугун тезкор 2 гол ўтказиб юбордик. Шу ҳолат ўйиннинг боришига ўз таъсирини ўтказди. Кейинчалик ҳисобни қисқартирган бўлсак-да, барибир амалдаги чемпион ўйинни ўз фойдасига ҳал эта олди. Бизда ҳам баъзи қулай вазиятлар бўлди. Лекин бугун ҳам омадимиз келмади. Рақибни ғалаба билан табриклаймиз. Биз эса хатолар устида ишлашда давом этамиз, - деди мутахассис.