"Локомотив" Туркияда Украина чемпионатининг 3-ўриндаги жамоаси билан дуранг ўйнади
31 янв 2021 20:34
Янгиликлар

"Локомотив" Туркияда Украина чемпионатининг 3-ўриндаги жамоаси билан дуранг ўйнади

Теглар : "Локомотив"Микаэль Секейра Десна

Бугун Туркиянинг Анталия шаҳрида Микаэль Секейра бошчилигидаги "Локомотив" жамоаси илк синов-назорат ўйинида қатнашди.

Унда томонлар муроса кўчасини танлашди. Қайд этиш керак, учрашувнинг 11-дақиқасида Азизбек Амонов бўш қолган дарвозага гол ура олмаган бўлса, 25-дақиқада Темурхўжа Абдухолиқов ҳам яхши имкониятдан рақиб постига йўл топа билмади. Иккинчи бўлимда ҳам "Локо"да бир неча бора қулай имкониятлар юзага келди. Ўз навбатида "Десна" ҳам бир неча яхши имкониятлар яратганди. Бироқ буларнинг гол бўлишига "Локо" футболчилари йўл беришмади. Якуний ҳисоб, 0:0.

"Локомотив"нинг 1-бўлимдаги таркиби: Жавоҳир Илёсов, Дилшод Комилов, Шерзод Файзиев, Жалолиддин Жумабоев, Шуҳрат Муҳаммадиев, Санжар Қодирқулов, Ғулом-Ҳайдар Гулямов, Диёржон Турапов, Садриддин Абдуллаев, Азиз Амонов, Темурхўжа Абдухолиқов.

2-бўлимдаги таркиб: Aбдумавлон Aбдулжалилов, Фарруҳжон Иброҳимов, Исломжон Қобилов, Диего Барданка, Кахи Махарадзе, Aвазбек Ўлмасалиев, Хуршид Мухторов, Ислом Рашидхонов, Жавоҳир Сиддиқов, Жавоҳир Aлижонов, Марат Бикмаев, Бобуржон Асқаров, Иброҳим Ғанихонов.