"Локомотив" Дубайга етиб борди
08 янв 2017 17:06
Янгиликлар

"Локомотив" Дубайга етиб борди

Теглар : Локомотив

Ўзбекистон чемпиони ва кубоги соҳиби Тошкентнинг "Локомотив" клуби бугун эрталаб Дубай шаҳрига учиб кетган эди.

Бир неча соатлик парвоздан сўнг жамоа делегацияси ўтирган самолёт Дубай халқаро аэропортига бориб қўнди. Жамоа аъзолари "Jebel Ali" меҳмонхонасига бориб жойлашишди. "Локомотив" у ерда 21 январга қадар ўқув-машғулот йиғинини ўтказади.

Йиғин давомида иккита ўртолиқ учрашуви ташкил қилиш кўзда тутилган ва бу ҳақда кейинроқ тўлиқ маълумот берамиз. Жамоа бош мураббийи Андрей Микляев хориж йиғинига 23 футболчини олиб кетишни маъқул кўрди.

Улар орасида "Локомотив" билан шартнома имзолаган тўрт нафар янги ўйинчи ҳам бор: Шуҳрат Муҳаммадиев, Диёр Туропов ҳамда кот-д'ивуарлик легионерлар Мохамед Коне билан Гнохере Кризо.