"Локомотив-БФК" бош мураббийи: "Раҳбарият бизга ишонади"

- "Ифтихор"га қарши кечган ўйин ҳақида фикрларингиз...
- Биринчи таймда яхши ўйнадик, иккинчи таймда эса тўпни кўп йўқотдик. Сўнгги дақиқаларда хато қилдик ва гол ўтказиб мағлуб бўлдик. Ўйин борасида ютқазмаяпмиз, аммо натижа борасида ҳозирча барча ўйинларда мағлуб бўлдик.

- "Локомотив-БФК"нинг мақсади қандай?
- Мақсадимиз ПРО-Лигада ўз ўрнига эга бўлиш. Ўз тарбияланувчиларимизни етиштириб чиқариш. Таркибни бу йил 90 фоизга янгиладик, ҳозирги пайтда жамоамизда ёш футболчилар жуда кўпчиликни ташкил қилади. Раҳбарият бизга ишонади, иккинчи даврада бундан яхшироқ ўйнаймиз деб ўйлайман.

- Дастлабки 5та турдан сўнг очко жамғарилмаганлигини қандай изоҳлайсиз?
- Қўлларни туширмаймиз. Мураббийлар ҳеч қачон таслим бўлмайди. Бугун сўнгги дақиқаларда мағлуб бўлдик, футболчиларимиз кийиниш хонасида йиғлаб ўтиришибди, чунки уларнинг кўпи ҳали ёш болалар. Қўлларни тушириш керак эмас. Раҳбарият ҳеч қандай босим қилмаяпти, аксинча қўллаб-қувватламоқда. Ҳозир мусобақа жадвалига қараш керак эмас, кузда ПРО-лигада 5-6-ўринларда бўламиз деб умид қиламан. Раҳбарият бу борада бизга ишонади", - дейди Леонид Сенкевич.


Бекзод Толибов суҳбатлашди