UZ

Сўнгги янгиликлар

20:16Машарипов ўйнаётган "Истиқлол"га янги бош мураббий тайинланди  0 19:50"Ар Риёд" — "Ал Файха". Шукуров асосий таркибда  1 19:35Ўзбекистон кубоги. Гуруҳ босқичига қуръа ташланди  19 19:17Ўзбекистон кубоги финалига қайси шаҳар мезбонлик қилиши маълум бўлди  9 18:57Жарред Брэнтуэйт - "Реал"нинг мақсади  1 18:29"Милан" ва Пулишич 2028 йилгача мўлжалланган шартнома имзолайди. Вингернинг маоши 5 млн еврогача оширилади  0 18:00"Барселона" Гринвуд номзодига қайтди  3 17:35"Бавария" "Реал" ярим ҳимоячисига қизиқиб қолди  2 17:01Бабаян терма жамоадан нега "чопгани", футболни ким сабаб тугатгани ҳақида - Санжар Турсунов  3 16:47Суперлига-2025. Энг қиммат легионерлар ТОП-10  8 16:33Мбаппе, Куртуа ва Валверде "Реал"нинг бугунги ўйинини ўтказиб юборади  5 16:03U-20 Осиё кубоги. Ўзбекистонни мағлуб этган Корея Республикаси пенальтилар сериясида ютқазди ва финалга чиқа олмади  13 15:51Бир йилда 31та ўйин! Хулоса: Яман ва Индозенияни ютдик, Эрон ва Кореяга ютқаздик  16 15:44"Ман Сити" ёзда хавбек ва ўнг қанот ҳимоячисини сотиб олмоқчи. Клубга Камбьязо ва Ливраменто қизиқ  0 15:20"Пахтакор" спорт директори: "Клуб Холдорхоновни сотди, лекин..."  6

"Ливерпуль" ёзда трансфер қилиши керак бўлган 5 футболчи Янгиликлар

"Ливерпуль" ёзда трансфер қилиши керак бўлган 5 футболчи

Теглар :  Ливерпуль
Айни дамда Англиянинг энг кучли жамоаларидан бири - "Ливерпуль" янги мавсумда кучайиши учун бир неча футболчиларни сотиб олиши керак.

5. МАКС МЕЙЕР

Туғилган йили: 1995 йил 18 сентябрь
Позицияси: ярим ҳимоячи
Жамоаси: "Шальке-04"
Бу мавсум чемпионатдаги натижалари: 24 ўйин

Мейер - Бундеслиганинг ёш юлдузларидан бири. 22 ёшли футболчининг хизматларига бир қатор гранд жамоалардан қизиқишлар бўлмоқда.

Германиялик футболчининг топ узатишлари аниқ ва чиройли чиқмоқда. Ўйинни яхши ўқийди ва майдонни яхши кўра олади.

Мейер ёзда эрки агентга айланади. Шу боисдан "Ливерпуль" уни ёзда жамоани тарк этиши кутилаётган Эмре Жаннинг ўрнида ўйнатиши мумкин.

4. РУБЕН НЕВЕС

Туғилган йили: 1997 йил 13 март
Позицияси: ярим ҳимоячи
Жамоаси: "Вулверхемптон"
Бу мавсум чемпионатдаги натижалари: 41 ўйин, 6 гол

Унинг номи кўпчилик томонидан тан олинмаётган бўлса-да, Англия футболидаги энг ёрқин футболчилардан бири. У клуб тарихидаги рекорд даражадаги трансферлардан.

Инглиз жамоаси 21 ёшли футболчини "Порту"дан 17 млн еврога сотиб олган. Илк мавсумнинг ўзидаёқ 41 учрашувда майдонга тушиб, барча умидларни оқлади.

Португалиялик суперпаслар устаси. Шунингдек, стандартлар вазиятлардан яхшигина фойдалана олади. Шу боисдан, "Ливерпуль"нинг ўйин услубига мос тушади ва захирада ўтириб қолмайди. Бироқ "бўрилар" уни кичик суммага қўйиб юбормаса керак.

3. ЖОРЖИНЬО

Туғилган йили: 1991 йил 20 декабрь
Позицияси: ярим ҳимоячи
Жамоаси: "Наполи"
Бу мавсум чемпионатдаги натижалари: 30 ўйин, 2 гол

Сўнгги пайтларда кўпчиликнинг тилига тушган футболчилардан бири. У бу мавсумни заргарона тарзда ўтказмоқда ва бир неча гранд жамоалар назарига тушган.

Италиялик футболчи бу мавсумда барча турнирларда 36 учрашувда қатнашди ва 4 гол уриб, шунча голга ассистентлик қилди. Чиройли паслар беришидан ташқари, ҳимоячиларга ҳам ёрдам беради.

Унинг агенти айтишига кўра, мижозига Манчестер жамоаларидан қизиқишлар бўлмоқда. Бироқ у "Ливерпуль"нинг ўйин услубига мос тушади ва Жеймс Мильнер ва Эмре Жаннинг ўрнини боса олади.

2. ДАНИ СЕБАЛЬОС

Туғилган йили: 1996 йил 7 август
Позицияси: ярим ҳимоячи
Жамоаси: "Реал"
Бу мавсум чемпионатдаги натижалари: 11 ўйин, 2 гол

Себальос Испаниянинг 21 ёшгача бўлган термаси таркибида Европа чемпионлигини қўлга киритди. Шундан кейин у "Реал"га кўчиб ўтди.

21 ёшли футболчи қишдаёқ "Ливерпуль" таркибига кўчиб ўтиши мумкин бўлганди. Бироқ "Бланкос" ярим ҳимоячини сотиб юбормади. У тўпни ўзида ушлаб тура олади ва яхши финтлар қилишни уддалайди. "Ливерпуль"га эса шундай футболчилар керак.

Себальос катта эҳтимол билан ёзда "Реал"ни тарк этади.

1. АЛИССОН

Туғилган йили: 1992 йил 2 октябрь
Позицияси: дарвозабон
Жамоаси: "Рома"
Бу мавсум чемпионатдаги натижалари: 35 ўйин

"Рома"нинг биринчи ва асосий дарвозабони даҳшатли мавсумни ўтказмоқда.

У бу мавсумдаги 34 учрашувнинг 15тасида дарвозаси дахлсизлигини сақлаб қолди. "Рома"да дарвозабон бўйича муаммо йўқ. Аммо "Ливерпул"да дарвозабон анча вақтдан буён муаммо бўлиб юрибди.

"Ливерпуль" кейинги мавсумда ЕЧЛда омадли қатнашишни истаса, топ-дарвозабон сотиб олиши керак. Алиссон эса шундай посбон.

Миржалол Норматов таржимаси

Рейтинг: +19   

Фикрлар

championat.asia
< сўнгги янгиликларни кўриш
Яндекс.Метрика