"Ливерпуль" янги аъзоси Тиаго: "Имкон қадар кўпроқ соврин ютишни хоҳлайман"

Ярим ҳимоячи Тиаго Альканатара "Бавария"дан "Ливерпуль"га ўтиши ҳақида фикр билдирди.

“Йиллар ўтаверади, сиз иложи борича кўпроқ ғалаба қозонишга интиласиз – буни амалга оширганингизда, янада кўпроғини хоҳлайсиз. Ўйлайманки, бу клуб менга мос. Мен барча мақсадларга эришишни, иложи борича кўпроқ совринларни ютишни хоҳлайман.

Клуб ичида менга керак бўлган оилавий муҳит бор, чунки биз (футболчилар) клуб билан яқин муносабатда бўлишни яхши кўрамиз. Ўйлашимча, бу туйғуни бошдан кечираман.

Имкон қадар тезроқ мослашишим керак. Вақт жуда оз, биз сал кечроқ ҳаракатни бошладик, аммо бу футбол. Бизда мавжуд бўлган барча яхши нарсаларни аралаштиришимиз керак деб ўйлайман. Жамоага ҳимояда, ҳужумда, шунингдек, психологик жиҳатдан ёрдам бераман.

Мухлислар мендан кам ҳаяжонланишмаяпти! Барчасини гапда эмас, балки амалда кўрсатишим лозим. Майдонда жамоадошларим, клубим ва мухлисларимга юрагимни бағишлайман", – деди Тиаго.