“Ливерпуль” хорватиялик футболчи бўйича музокара бошлади

“Интер” ярим ҳимоячиси Марсело Брозович “Ливерпуль”нинг трансфер нишонига айланди. Маълум бўлишича, Мерсисайд клуби Марселонинг агенти билан музокарага киришган. Аввалроқ Хорватия терма жамоаси аъзоси хизматларига “Реал”дан ҳам қизиқиш борлиги айтилганди.

27 ёшли футболчи 2015 йилдан бери “Интер” аъзоси у жорий мавсум клуб сафида жами 32 та ўйинда қатнашиб, 3 та гол урди ва 5 та голли узатмани амалга оширди. Унинг клуб билан амалдаги шартномаси 2022 йил ёзига қадар тузилган. Футболчининг товон пули эса 60 млн еврога тенг. Бу сумма футболчи хориж клубларига сотилганда (Италия клубларига эмас) амал қилади.