UZ

Сўнгги янгиликлар

18:20Суперлига. "Динамо" – "Металлург": Асосий таркиблар маълум  0 18:15ПРО лига. Тошкентда ўтган "Бухоро" - "Хоразм" учрашувида дуранг қайд этилди  10 17:43Винченцо Итальяно мавсум охирида клубдан кетади  0 17:25Альфонсо Дэвис "Бавария" билан янги шартнома имзоламайди  0 17:01"Бунёдкор" янги бош мураббий номини эълон қилди  12 16:20"Евро-2024"да ҳеч ким Англия билан тенглаша олмайди"  7 15:57"Қизилқум" "Локомотив" билан ўйин учун қайдномасини эълон қилди  0 15:26Суперлига. 4-тур учрашувларини ўтказиб юборадиган футболчилар  4 15:10Маркус Рэшфорд Евро-2024га бора олмаслиги мумкин  1 14:38Парехо Винисиус ҳақида: "Ажойиб спортчи, аммо ўйинчилар ўзини футболга бағишлаши керак. Мени пиёниста дейишарди, лекин бунга эътибор бермаганман ва жавоб қайтармаганман – бундай одамлардан юқорироқ бўлиш зарур"  1 13:47Суперлига. 9та клуб дастлабки 3та турда фақат бир хил формадан фойдаланди. Бунга сабаб нима?  5 13:44"Манчестер Юнайтед" "Реал" футболчисини сотиб олмоқчи  1 13:23Хавининг дисквалификацияси бўйича апелляция рад этилди   1 12:50Ўзбекистон кубогининг саралаш босқичига қуръа ташланди  5 12:15Месси: "ЖЧ-2022да ғолиб бўлмаганимизда, мен терма жамоадан кетардим"  8

АПЛ. "Ливерпуль" Салоҳнинг голлари эвазига "Уотфорд"ни мағлуб этди Янгиликлар

АПЛ. "Ливерпуль" Салоҳнинг голлари эвазига "Уотфорд"ни мағлуб этди

"Ливерпуль" ҳамда "Уотфорд" ўртасида АПЛнинг 17-тур учрашуви якунланди.

Ливерпуль

Мохамед Салах - 38', Мохамед Салах - 90'

Премьер-лига . 17-тур

14/12/2019, 17:30

0
:
2
Тугади

Уотфорд

Стадион: Anfield, 53311 томошабин

Бош ҳакам: Андре Марринер

45'
90'
38'  Мохамед Салах
38'  Садио Мане
43'  Джордан Хендерсон
50'  Садио Мане
57'  Джеймс Милнер
59'  Джорджиньо Вейналдум (Эндрю Робертсон)
70'  Джердан Шакири (Алекс Окслейд-Чемберлен)
88'  Роберто Фирмино (Дивок Ориги)
90'  Мохамед Салах
90'  Дивок Ориги
24'  Уилл Хьюз
75'  Трой Дини (Эндри Грэй)
87'  Абдулай Дукуре (Домингуш Кина)

"Ливерпуль" – "Уотфорд" 2:0

"Энфилд"

Голлар: 1:0 – 38 Салоҳ, 2:0 – 90 Салоҳ.

"Ливерпуль": Алиссон, Александер-Арнолд, Гомес, ван Дейк, Хендерсон, Милнер, Шакири (Окслейд-Чемберлен, 70), Вейналдум (Робертсон, 59), Мане, Салах, Фирмино (Ориги, 88).

"Уотфорд": Фостер, Фемения, Кэткарт, Мариаппа, Кабаселе, Капу, Дукуре (Кина, 87), Хьюз, Сарр, Дини (Грэй, 75), Деулофеу.

Огоҳлантиришлар: Хьюз (24), Хендерсон (43), Милнер (57).


УЧРАШУВ ЯКУНЛАНДИ!

90. ГОЛ! ЯНА САЛОҲ! Садио Мане ўнг қанотдан жарима майдончасига кириб, тўпни орқароққа узатди, Ориги эса тўпга зарба беришни эплай олмади, бироқ тўп Муҳаммад томонга бурилди ва Салоҳ товони билан дарвозани ишғол қилди. Гол ВАР орқали текширилмоқда. Салоҳ ҳисобига иккинчи гол ёзиб қўйилди.

88. Ўзгариш: Фирмино ўрнига Дивок Ориги майдонга тушди.

84. "Ливерпуль" ҳимоячилари хато қилишдан тўхташмаяпти. Бироқ "Уотфорд" жуда "меҳрибон" жамоа эканлиги туфайли, рақибни кечиришда давом этмоқда.

81. Жерар Деулофеу бурчак зарбасидан дарвозани нишонга олишга уринди. Тўп устунга тегиб қайтди.

77. САРР! Исмаила қарши ҳужумда тўпни қабул қилди ва зарба беришга уриниб, тўпни ва қулай вазиятни қўлдан чиқарди. Бугун бу йигитнинг омади келмаяпти.

74. ФИРМИНО! Жамоадошидан келган узатмани дарвозага тўғирлаш ўрнига, тўпни ўзига бўйсундиришга уринди ва зарбага кечикиб, вазиятдан фойдалана олмади.

70. Ўзгариш: Шакири ўрнига Алекс Окслейд-Чемберлен майдонга тушди.

68. Мезбонлар темпни бироз пасайтирди, Клопп эса Чемберленни майдонга туширмоқчи.

65. "Ливерпуль" ҳужумлар сонини кескин кўпайтирди, аммо вазиятлар аниқ зарба билан якун топмаяпти.

63. Салоҳ бир дақиқаи ичида иккита вазиятга эга бўлди, аммо биттасида ноаниқ зарба ва иккинчисида рақиб ҳимоячиси гол бўлишига имкон бермади.

62. Фирмино рақиб майдончасига ёриб кирди ва чап оёқ билан зарба берди. Бен Фостер тўпни эгаллаб олди.

59. Ўзгариш: Вейналдум учрашувни давом эттира олмади. Унинг ўрнига Эндрью Робертсон майдонга тушди.

57. Вейналдум жароҳат олган кўринади. Шифокорлар унга тиббий ёрдам кўрсатишмоқда.

53. "Уотфорд" яна бир вазиятни кўкка совурди. Деулофеунинг зарбасини Алиссон қайтаришга муваффақ бўлди.

50. ГОЛ! МАНЕ! Садио Мане қанотдан узатилган тўпни дарвозага буриб қўйди, бироқ такрорий лавҳада офсайд бордек кўринди. Ҳа, Садио Мане бироз олдинроқда тургани учун гол ҳисобга олинмади. Офсайд!

49. ЗАРБА! Салоҳ Манега тўпни қайтариб узатишга ҳаракат қилди, аммо рақибга теккан тўп яна унга тушди ва Муҳаммад ҳужумни зарба билан якунлашга қарор қилди. Тўп ҳимоячига тегиб, майдонни тарк этди.

47. "Ливерпуль" бурчак зарбаси ишлаб олди, аммо узатилган тўпдан сўнг "Уотфорд" қарши ҳужумга ўтиб кетди. "Қизиллар"нинг бахтига меҳмон жамоа футболчиси тўпни олдириб қўйди.

46. Иккинчи бўлим бошланди!

ТАНАФФУС!

45. Биринчи бўлимга 1 дақиқа қўшиб берилди.

44. Салоҳ ажойиб узатма орқали Манени тўп билан таъминлади, бироқ Садио дарвозабонни алдашга уриниб, тўпсиз қолди.

42. "Уотфорд" футболчилари нималар қилишяпти?! Исмаила Сарр зарба бериш учун ажойиб вазиятга эга бўлди, аммо Сарр тўпга зарба бера олмади. 

38. ГОЛ! МУҲАММАД САЛОҲ! "Ливерпуль" қарши ҳужумда "Уотфорд"ни жазолади. Мане тўпни қабул қилиши билан уни Салоҳга узатди. Муҳаммад эса чап қанот томонга юриб, бир ҳаракат билан рақибини алдади ва ўнг оёғида дарвозанинг узоқ бурчагини нишонга олди. 1:0

36. Дукуре Алиссон дарвозасини ишғол қилишга яқин келди, аммо у дарвоза яқинида бўлишига қарамай тўпга зарба бера олмади.

33. "Уотфорд" ҳужумга ўтди. Деулофеу тўпни чап қанотдан рақиб майдончаси марказига ташлади, сўнгги паллада ван Дейк узатма манзилига етиб бормаслигини таъминлади.

29. Статистикага эътибор берсак, ҳеч бир жамоа ҳозиргача аниқ зарба бера олгани йўқ: 0-0.

26. Ливерпуль шаҳрида қаттиқ шамол эсмоқда. Дарвозабон Бен Фостер тўпни чизиқ устига қўйганидан сўнг у шамол кучи билан думалаб кетмоқда.

25. Салоҳ ўз қанотидан рақиб жарима майдончасига кирди ва рақибларини алдашга киришиб кетди. Якундаги зарба ноаниқ бўлди. 

24. Бу сафар Мане ҳимоячилар қайтарган тўпга зарба берди, аммо у ҳам Хендерсон каби тўпни мухлислар томон йўллади. 

22. Мане чап қанотдан тўпни рақиб жарима майдончаси ичига узатди, Кико уни қайтаргандек кўринди, аммо Хендерсон қайтган тўпни дарвозага жойлаб қўйишга уринди. Зарба ноаниқ.

20. "Уотфорд" тўпни одатдагидан кўпроқ ўзида ушлаб турибди ва вақтни чўзишга ҳаракат қилмоқда. Деулофеу бурчак зарбаси ишлаб олди, аммо "қизиллар" ҳимоячилари ишончли ҳаракат қилиб, хавфни ўз дарвозаларидан узоқлаштиришди.

14. "Ливерпуль" тўпни бурчакдан ўйинга киритди. Тўп ҳаммадан олдинроқ турган мезбон жамоа футболчисининг бошига тегиб, ўша йўналишда давом этди, аммо бироз кўтарилиб кетди. Зарбага тайёр турган ван Дейк эса тўпни томоша қилиш билан чекланди.

12. Трент ўнг қанотдан марказроққа ўтди ва Салоҳга пас берди, аммо "Уотфорд" ҳимоячилари узатмани илиб кетишди.

9. Роберто Фирмино ажойиб ҳаракатлари билан икки футболчи қуршовидан чиқиб кетди. Афсуски, бу ҳаракатларни сўз билан тасвирлаб бўлмайди.

7. Натаниел Клайн, Жоел Матип, Фабиньо ва Деян Ловренлар жароҳат туфайли бугунги баҳсда иштирок эта олишмайди. Меҳмонлар сафида ҳам йўқотишлар мавжуд: Хосе Холебас, Дэнни Уэлбек, Том Клеверли, Себастьян Прёдль.

5. Трой Дини ҳисобни очишга яқин келди, аммо ҳужумчи тўпнинг йўналишини ўзгартира олмади.

3. Баҳснинг дастлабки дақиқаларидан "Ливерпуль" фаол ўйнамоқда. 

1. Учрашув бошланди!

Рейтинг: +15   

Фикрлар

championat.asia
< сўнгги янгиликларни кўриш
Яндекс.Метрика