Juma kuni "qizillar" vakillari futbolchi agenti bilan muzokaralar o'tkazishgan. Bundan tashqari, Shakiriga "Liverpul" haqida savol berilganida, shveytsariyalik unga javob berishni istamadi.
- "Enfild" ajoyib stadion, nima deysiz?
- Albatta, "Enfild" buyuk arena.
- "Liverpul" haqida nima deya olasiz?
- Nega "qizillar" haqida gap ochdingiz?
- Ma'lumotlarga ko'ra, siz "Liverpul"ga o'tishga yaqinsiz...
- Hozir bu haqida hech narsa deya olmayman. Agentlarim kelajagim haqida bosh qotirishmoqda. Ayni damda bor e'tiborim Shveytsariyaga qaratilgan.
26 yoshli Shakiri so'nggi mavsum Angliya Premer-ligasining 36ta uchrashuvida 8ta gol urib, 7ta golli pas berdi.