"Кеча кечқурун бутун қалбим билан соғинадиган жойимга қайтдим. Бу — мени беҳад бахтиёр қилган, сиз мени минг марталаб дунёдаги энг бахтли одам сифатида кўрган маскан. Умид қиламанки, қачондир қайтаман", - деб фикр билдирди Месси.
El Partidazo de COPE хабарига кўра, аргентиналик футболчининг ташрифи махфий бўлган — у кечаси стадионга келган ва ўзи ходимлардан уни ичкарига киритишни сўраган. "Барселона" вакиллари бунга рози бўлган ва улар, "Месси ҳар доим бизнинг муҳим меҳмонимиз бўлиб қолади", деб айтган.
