Лионель Месси 2005 йилдан бери илк бора "Олтин тўп" рўйхатидан тушиб қолди
13 авг 2022 01:00
Янгиликлар

Лионель Месси 2005 йилдан бери илк бора "Олтин тўп" рўйхатидан тушиб қолди

France Football "Олтин тўп" учун номзод 30 футболчи номини эълон қилди.

Ушбу рўйхатдан Лионель Мессининг ўрин олмагани кўпчиликнинг эътиборини тортди. Шу тариқа, Лео Месси 2005 йилдан бери илк бор "Олтин тўп" учун номзодлар рўйхатига киритилмади. Мессидан ташқари юқоридаги рўйхатга ПСЖ футболчиси Неймар ҳам киритилмаган. Парижликлар таркибидан 30 талик рўйхатда фақатгина Килиан Мбаппе бор.

Маълумот учун "Олтин тўп" совринини қўлга киритиш бўйича Месси мутлақ етакчи ҳисобланади. Аргентиналик футболчи ҳисобида 7 та "Олтин тўп" соврини бор.