Левандовскининг агенти Лапортага трансфер учун 40 млн евро етарли бўлишини айтди. Роберт 12 июлгача "Барса"га ўтишни кутмоқда
04 июл 16:54
Янгиликлар

Левандовскининг агенти Лапортага трансфер учун 40 млн евро етарли бўлишини айтди. Роберт 12 июлгача "Барса"га ўтишни кутмоқда

"Барселона" "Бавария" форварди Роберт Левандовскининг трансфери устида ишлашда давом этмоқда.

Каталония клуби президенти Жоан Лапорта доимий равишда форвард ва унинг агенти Пини Захави билан алоқада бўлиб турибди.

Захави Лапортага 40 млн евро "Бавария"ни форвардни сотишга кўндириш учун етарли бўлишини айтди. "Барселона" олдинроқ полякни харид қилиш учун камроқ сарфлашни режалаштирган бўлса ҳам, 40 млн евро таклиф қилиб бўлди.

"Бавария" эса форвард учун 60 млн евро сўраётган бўлса ҳам, Левандовскини иродасига қарши чиққан ҳолда олиб қолиш яхши эмаслигини тушунишни бошлади.

Роберт 12 июлгача "Барселона"га трансфери расмийлаштирилишини кутмоқда – у мавсумолди тайёргарлигини "Бавария" таркибида бошлашни хоҳламаяпти.

Поляк ўтган мавсум "Бавария" таркибида барча мусобақаларда 50та ўйинда майдонга тушиб, 46та гол уришга эришди.

Ҳавола :

Манба : Mundo Deportivo

Янгиликларни Телеграмда ўқинг!

Рейтинг: +3