Левандовски сонидан жароҳат олди

Бу маълумотни клуб ҳам тасдиқлади. Польшалик Ла Лига 23-туридаги "Альмерия"га қарши учрашувни (0:1) оғриқ билан якунлаган.

Дастлабки маълумотларга қараганда, Роберт 2 ҳафтага сафдан чиққан. 

Натижада, форвард Испания Кубоги ярим финали доирасида "Реал"га қарши учрашувни (2 март) ўтказиб юборади. У Ла Лига доирасидаги "Класико"га қайтиши мумкин – баҳс 19 мартга белгиланган.

Эслатиб ўтамиз, 5 март санасида Ла Лига навбатдаги тури доирасида "Барса" "Валенсия"ни қабул қилади, 12 март куни эса "Атлетик" билан рўбаро келади. 

Ушбу мавсум Ла Лиганинг 20 та ўйинида Левандовски 15 та гол урди ва 5 та самарали узатма етказиб берди.