Левандовски "Барселона"нинг ёздаги бош трансфер мақсади ҳисобланади

Немис клуби 33 ёшли футболчини мавсумлар оралиғида қўйиб юбормоқчи эмас, ўйинчининг ўзи эса фаолиятида янги босқич бошламоқчи.

Левандовскини таклиф қилиш ғоясини президент Жоан Лапорта ҳам, мураббий Хави ҳам маъқулламоқда. Полякнинг агенти Пини Захави "Бавария"ни музокараларни бошлашга кўндириш, трансферни эса 40 млн евродан кўп бўлмаган маблағга амалга ошириш мумкин деб ҳисоблайди.

Левандовскининг "Бавария" билан шартномаси 2023 йилнинг ёзига қадар мўлжалланган. Форвард 2021/22 йилги мавсум мюнхенликлар таркибида 45та ўйинда майдонга тушиб, 49та гол ва 7та ассист қайд этди.