“Лестер” Чилуэллга ўринбосар излашни бошлади

“Лестер” Бен Чилуэллнинг ёзги трансферлар вақтида “Челси”га ўтишига ишонмоқда. Шу боисдан клуб унга ўринбосар қидиришни бошлади. “Тулкилар” “Тоттенхэм”дан Раян Сесеньонни олиб келиш имкониятини ўрганмоқда.

Маълум бўлишича, Чилуэлл “Челси” билан шахсий шартнома борасида келишиб олган. Унга “Манчестер Сити”нинг ҳам даъвогар эканлиги айтилмоқда.

Жорий мавсум Бен АПЛ доирасида 18 та ўйин ўтказиб, 1 та гол урди ва 3 та голли узатмани амалга оширди.