ЛегионерУз. Темурхўжа Абдухолиқов Юлдузлар Лигасидаги саккизинчи голини урди, Турсуновда голли пас

“Ас-Сайлия”

Темурхўжа Абдухолиқов тўп сурадиган жамоа олдига мавсумни кучли тўртликда якунлаш вазифаси қўйилганди. Аммо “Ас-Сайлия” мавсумни қанчалик омадли бошлаган бўлса, 2-даврага келиб уни шунча омадсиз давом эттирмоқда. Кетма-кет 5 та ўйиндан буён зафар қуча олмай, 6-ўринга тушиб кетгани бундан далолат беради.

Бу сафар “Ас-Сайлия” турнир жадвалида ўзидан ортда қолаётган “Ал-Хор” клубини қабул қилиб, 1:2 ҳисобида енгилди. Мезбонлар 59-дақиқада Абдухолиқовнинг пеналтидан урган голи сабаб олдинга чиқиб олганди. Якунда эса 2 та гол ўтказиб юборди. 88 ва 94-дақиқаларда ҳакам Абдухолиқовнинг икки жамоадошини майдондан четлатди. 

Аль-Сайлия

Катарс Старс Лига . 19-тур 02/03/2018, 22:10 2 : 1 Тугади

Аль-Кхор

45'

90'

Матч-центрда очиш

Темурхўжа беллашувни тўлиқ ўтказди ва мавсум давомида урган голлари сонини 8 тага етказиб олди. Бу борада у жамоадоши Вагнер Рибейродан 3 та гол ортда. Қизиқ тарафи, “Ал-Хор”га қарши 1-давра ўйини ҳам мағлубият билан якунига етган (0:1), беллашувда ўзбекистонлик ҳужумчи огоҳлантириш ишлаб олганди.

TAS-IX

“Ал-Ҳарайтият”

Санжар Турсунов жамоадошлари “Ал-Аҳли” билан ўйиннинг 78-дақиқасида учинчи голни ўтказиб юборди ва унга жавоб қайтара олмади. Турсуновнинг ўзи ҳам нима бўлаётганига ҳайрон. Унинг айтишича, мураббий қайси нуқтада муаммо бўлса, уни Санжарга ишониб топширмоқда. Оддий мисол, “Ал-Аҳли”га қарши ўйинни Турсунов ўнг қанот ҳимоясида бошлади. 80-дақиқадаги ўзгаришдан кейин ўнг қанот ярим ҳимояга ўтди. 88-дақиқадаги ўзгариш билан беллашувни ҳужум чизиғида якунлади. Худди Серхио Робертонинг “Барселона”даги функциясини эслатиб юборади.

Аль-Ахли

Катарс Старс Лига . 19-тур 02/03/2018, 20:00 2 : 3 Тугади

Аль-Кхураитиат

45'

90'

Матч-центрда очиш

Бироқ бу “Барселона” эмас, “Ал-Ҳарайтият”. Жамоа лигада жон сақлаб қолиш учун ҳаракат қиляпти. Буни эплаш учун яна 3 та тур бор. Дарвоқе, “Ал-Аҳли”га қарши ўйинда марокашлик Тиберканине дубль қайд этди. Турсунов эса улардан бирига пас бериши билан ёдда қолди.

TAS-IX

Келаси турда ўзбекистонлик футболчиларни қийин ўйинлар кутиб турибди. “Ас-Сайлия” Снайдер каби футболчиси бор бўлган ва мазкур турда “Ар-Райян” постига 6 та гол урган “Ал-Гарафа”ни қабул қилади. “Ал-Ҳарайтият” эса лига пешқадами бўлиб турган ва бирорта ўйинда енгилмаган “Ал-Дуҳайл” билан курашишига тўғри келади.

Championat.asia статистикаси

Турсунов ҳам, Абдухолиқов ҳам жамоасининг асосий футболчиси. Бироқ уларнинг келгуси тақдири ҳозирча мавҳум.